Entangled Territories: Tibet Through Images reimagines Tibet by showing how it has been represented historically by outsiders, and how Tibetans themselves now present and talk about Tibet. This exhibition highlights the importance of Tibet’s rich cultural heritage as well as its current political context. Developed in collaboration with Tibetan Canadian community members and artists, the exhibition showcases Tibet and Tibetans through their own lenses and voices.

Following China’s Communist Revolution, Tibet was forced to surrender its independence and has been under China’s occupation since 1951. After a failed uprising against Chinese rule in 1959, the 14th Dalai Lama–Tibet’s political and spiritual leader–followed by about 80,000 Tibetans, fled to Dharamshala, India, now the home of the Tibetan government-in-exile. For nearly seven decades, the political situation has resulted in the continued displacement of Tibetans and their global relocation, forming the Tibetan diaspora. Many of those who identify as Tibetan were neither born in Tibet nor live there, but live in places like India and Nepal, and increasingly in North America and Europe. Canada is home to one of the largest concentrations of Tibetans outside of Asia.

The location and status of the Tibetan homeland remain a central issue for Tibetans, especially for younger generations. Their lived experience in Canada is reshaping Tibetan identity and their self-image, and many are questioning not only their diasporic condition, but also reimagining what homeland means.

Entangled Territories presents Tibet, its cultures and its communities in a different light. The exhibition also uplifts the efforts of the Tibetan-Canadian community to maintain their culture and history in the face of challenges associated with migration and the loss of their homeland.

This exhibition features works by artists Kunsang Kyirong and Lodoe Laura. One of Kyirong’s films, specially made for this exhibition, derives from her research on MOA’s archival materials including photographs taken by a British officer in Tibet in the early 1900s, and is showcased along with archival materials. Lodoe Laura’s photographic and installation works are about her connections with Tibet and also about the conditions inside the Tibetan Autonomous Region and beyond. Tibetan-Canadian community members and the artists selected objects from the Tibetan collection at MOA for display in the exhibition and shared their reflections.

བྷི་སི་གཙུག་ལག་སློབ་གཉེར་ཁང་གི་མི་རྒྱུད་དཔྱད་རིག་འགྲེམ་སྟོན་ཁང་དུ་གོ་སྒྲིག་བྱས་པའི་འགྲེམ་སྟོན་འདིས་ལོ་རྒྱུས་སྟེང་ཕྱིའི་མི་རིགས་ཀྱིས་བོད་ཇི་ལྟར་མཚོན་པར་བྱས་པ་་དང་། ད་སྐབས་བོད་མི་ཚོས་སོ་སོ་ཇི་ལྟར་ངོ་སྤྲོད་དང་གླེང་བ་གསལ་སྟོན་གྱིས་བོད་ཀྱི་སྣང་བརྙན་གསར་དུ་སྐྲུན་ཐབས་བྱེད་ཀྱིན་ཡོད། འགྲེམ་སྟོན་འདིས་བོད་ཀྱི་ཕུན་སུམ་ཚོགས་པའི་ཤུལ་བཞག་རིག་གནས་ཀྱི་གལ་ཆེན་རང་བཞིན་དང་ད་ལྟའི་ཆབ་སྲིད་གནས་སྟངས་གསལ་སྟོན་བྱེད་ཀྱི་ཡོད། ཁེ་ན་ཌའི་བོད་རིགས་སྤྱི་ཚོགས་ཀྱི་མི་སྣ་དང་སྒྱུ་རྩལ་བ་སོགས་ཀྱི་ཕྱར་གྲུ་མཉམ་འདེགས་འོག་ཐེངས་འདིར་བོད་མི་ཁོ་རང་ཚོའི་སྨྲ་བརྗོད་དང་པར་ཆས་ཀྱི་ཤེལ་མིག་ལས་བོད་དང་བོད་མི་རིགས་ཇི་ལྟ་བ་བཞིན་མངོན་ཐབས་བྱས་ཡོད།

རྒྱ་ནག་དམར་ཤོག་ཚོགས་པའི་གསར་བརྗེའི་མཇུག་ཏུ། བོད་ལ་བཙན་གྱིས་རང་བཙན་ལས་མགོ་སྒུར་དུ་བཅུག་སྟེ་སྤྱི་ལོ་ ༡༩༥༡ ལོ་ནས་བཟུང་རྒྱ་ནག་གི་མངའ་འོག་ཏུ་བསྡུས། རྒྱ་ནག་ལ་ཁ་གཏད་པའི་བོད་མིའི་ཞི་རྒོལ་ཆེན་མོ་ཕམ་པར་བརྟེན། སྤྱི་ལོ་ ༡༩༥༩ ལོར་བོད་མིའི་ཆོས་སྲིད་གཉིས་ཀྱི་དབུ་ཁྲིད་༧གོང་ས་ཏཱ་ལའི་བླ་མ་སྐུ་ཕྲེང་བཅུ་བཞི་བ་མཆོག་རྒྱ་གར་ལ་བཙན་བྱོལ་དུ་ཕེབས་ཤིང་། བོད་མི་ ༨༠༠༠༠ ཁོང་གི་སྐུ་རྗེས་སུ་འབྲངས། ༧གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་དེང་སྐབས་བཙན་བྱོལ་བོད་གཞུང་གི་བསྟི་གནས་བཞུགས་སྒར་རྡ་རམ་ས་ལར་བཞུགས། ལོ་རབས་བདུན་མ་ཟིན་ཙམ་གྱི་རིང་། ཆབ་སྲིད་ཀྱི་གནས་སྟངས་ཀྱིས་བཙན་བྱོལ་བོད་མི་རྣམས་མུ་མཐུད་ནས་ཡུལ་མེད་དུ་གནས་ཤིང་། གོ་ལའི་ཡུལ་ལུང་གང་སར་གཞིས་སྤོར་བྱེད་དགོས་པར་གྱུར་སྟབས། ད་ལྟའི་ཡུལ་གྱར་བོད་མི་ཅེས་པ་དེ་གྲུབ་པ་རེད། བོད་མིའི་ངོ་རྟགས་འཁྱེར་མཁན་མང་པོ་ཞིག་ནི་བོད་ནས་སྐྱེས་པ་མིན་ལ། བོད་དུ་སྡོད་པའང་མིན་པར། རྒྱ་གར་དང་བལ་ཡུལ་ལྟ་བུའི་ལུང་པ་ནས་ཡིན། ཕྱིས་སུ་བྱང་ཨ་རི་དང་ཡུ་རོབ་བཅས་སུའང་འཕེལ་ཤུགས་ཆེ་རུ་འགྲོ་གིན་ཡོད། ཁེ་ན་ཌ་ནི་ཨེ་ཤ་ཡའི་ཕྱི་རུ་བོད་མི་འདུས་སྡོད་གཞི་རྒྱ་ཆེ་ཤོས་ཁྲོད་ཀྱི་གཅིག་ཡིན།

བོད་ཀྱི་གནས་ཡུལ་དང་གནས་བབ་ནི་བོད་མི་ཚོའི་གནད་དོན་གཙོ་བོ་དེ་ཡིན་ལ། ལྷག་པར་དུ་བོད་ཕྱི་ལོགས་ཀྱི་གཞོན་སྐྱེས་མི་རབས་ཚོར་གནད་ཆེན་པོར་གྱུར། ཁོང་ཚོ་ཁེ་ན་ཌར་འཚོ་སྡོད་བྱས་པའི་ཉམས་མྱོང་དེས་སོ་སོའི་ངོ་རྟགས་དང་མི་གཞི་ལ་རྣམ་པ་གཞན་ཞིག་བཏོད་ཀྱིན་ཡོད་ལ། མང་པོ་ཞིག་གིས་ཁོང་ཚོའི་ཁ་འཐོར་གྱི་གནས་སྟངས་ལ་དྲི་བ་འདོན་པ་ཁོ་ན་མ་ཡིན་པར། ཕ་ཡུལ་ཅེས་པའི་འདུ་ཤེས་ལའང་དོན་གྱི་གོ་བ་དང་བློ་ཡི་འཆར་སྒོ་གསར་པ་ཞིག་ཡོང་གིན་ཡོད།

དཀའ་རྙོག་ནང་གི་ཡུལ་སྡེ་ཡིས་བོད་དང་། བོད་ཀྱི་རིག་གཞུང་། སྤྱི་ཚོགས་བཅས་དཀར་ངོགས་མ་འདྲ་བ་ཞིག་ནས་སྟོན་གྱི་ཡོད། འགྲེམ་སྟོན་འདིས་ཕ་ཡུལ་ཤོར་བ་དང་ཡུལ་མི་གནས་སྤོ་དང་འབྲེལ་བའི་དཀའ་ཁག་གི་སྐབས་འདིར་ཁེ་ན་ཌའི་བོད་རིགས་སྤྱི་ཚོགས་ལ་སོ་སོའི་རིག་གཞུང་དང་ལོ་རྒྱུས་རྒྱུན་འཛིན་བྱེད་པར་རོགས་འདེགས་ཀྱི་འབད་བརྩོན་བྱེད་ཀྱི་ཡོད།

འགྲེམ་སྟོན་འདིའི་ནང་དུ་སྐྱིད་གྲོང་ཀུན་བཟང་དང་བློ་གྲོས་མཚོ་མོ་གཉིས་ཀྱི་བརྩམས་ཆོས་བཀོད་ཡོད་ལ། ཀུན་བཟང་ལགས་ཀྱི་གློག་བརྙན་ཅིག་ནི་ཆེད་དུ་འགྲེམ་སྟོན་འདིར་དམིགས་ནས་བཟོས་ཤིང་། བྷི་སི་གཙུག་ལག་ཁང་མི་རྒྱུད་དཔྱད་རིག་འགྲེམ་སྟོན་ཁང་གི་ཡིག་མཛོད་ཞིབ་འཇུག་གཞིར་བྱས་ཏེ། ༡༩༠༠ མགོ་སྟོད་དུ་དབྱིན་ཇིའི་གཞུང་ཞབས་པས་བོད་དུ་བླངས་པའི་པར་དང་ཡིག་མཛོད་ཀྱི་རྒྱུ་ཆ་བཅས་མཉམ་དུ་བཤམས་སྟོན་བྱས་ཡོད། བློ་གྲོས་མཚོ་མོ་ལགས་ཀྱི་པར་དང་ཕྱོགས་སྒྲིག་སྒྱུ་རྩལ་བཤམས་སྟོན་ནི་མོ་རང་དང་བོད་ཀྱི་འབྲེལ་བ། དེ་བཞིན་དུ་བོད་རང་སྐྱོང་ལྗོངས་དང་དེའི་ཕྱི་རོལ་གྱི་གནས་སྟངས་ཀྱི་སྐོར་ཡིན། ཁེ་ན་ཌའི་བོད་རིགས་སྤྱི་ཚོགས་ཀྱི་ཚོགས་མི་དང་སྒྱུ་རྩལ་བ་བཅས་ཀྱིས་མི་རྒྱུད་དཔྱད་རིག་འགྲེམ་སྟོན་ཁང་ནས་རིག་དངོས་བདམས་གསེས་ཀྱིས་འགྲེམ་སྟོན་འདིར་བཤམས་པ་མ་ཟད། རིག་དངོས་དེ་དག་ལས་འཕྲོས་པའི་ཁོང་ཚོའི་བསམ་ཚུལ་ཀྱང་བཏོན་ཡོད།